\
29 Mart 2020 - Bazar günü

"Gənc Sahibkarlar Klubu"nun illik hesabat tədbiri baş tutdu - Kimlər "Gənclərin Dostu Milli Mükafatı"na layiq görüldü? - FOTOLAR

"Gənc Sahibkarlar Klubu"nun illik hesabat tədbiri baş tutdu - Kimlər "Gənclərin Dostu Milli Mükafatı"na layiq görüldü? - FOTOLAR
1634baxış

Fevralın 20-də "Gənclər Mərkəzinin İctimai Birliyi"nin tərkibində yaradılan Gənc Sahibkarlar Klubunun illik hesabat tədbiri keçirib.

Mediapress.az xəbər verir ki, tədbirdə millət vəkilləri, media kapitanları, gənc iş adamları, həkimlər, vəkillər, incəsənət xadimləri və jurnalistlər iştirak edib.

Tədbir Gənc Sahibkarlar Klubunun koordinatoru Anar Sarıyevin çıxışı ilə başlayıb. Anar Sarıyev çıxışı zamanı Gənc Sahibkarlar Klubunun bir illik fəaliyyəti və gələcək planları barəsində məlumat verib. O, bildirib ki, ölkə başçısı və Azərbaycanın Birinci vitse prezidenti Mehriban xanım Əliyeva tərəfindən gənclərə və gənc sahibkarlara xüsusi qayğı göstərilir:

"Biz gənclər hər birimiz cənab prezidentin əsgəriyik. Daim cənab prezidentin ətrafında sıx birləşərək onun uğurlu siyasətini dəstəkləyirik".

Daha sonra tədbirdə çıxış edən millət vəkilləri Adil Əliyev, Azər Badamov, Eldəniz Səlimov və "İki Sahil" qəzetinin baş redaktoru Vüqar Rəhimzadə dövlət tərəfindən gənclərə və sahibkarlara göstərilən dövlət qayğısından danışıb. Tədbirin sonunda millət vəkillərinə, ictimai xadimlərə, media kapitanlarına, gənc həkimlərə, vəkillərə və jurnalistlərə Gənclər Mərkəzi İctimai Birlik tərəfindən "Gənclərin Dostu Milli Mükafatı" təqdim olunub. Qeyd edək ki, bu mükafat 10 ildir ki, millət vəkillərinə, həkimlərə, vəkillərinə, media kapitanları və aktiv ictimai fəaliyyəti olan şəxslərə verilir.

Onu da vurğulayaq ki, "Mediapress.az" xəbər portalının Baş redaktoru Könül Aypara da "Gənclərin Dostu Milli Mükafatı"na layiq görülənlər arasında olub.

Hər kəsi təbrik edirik və "Gənclər Mərkəzinin İctimai Birliyi"nin tərkibində yaradılan Gənc Sahibkarlar Klubunun üzvlərinə uğurlar arzulayırıq!