\
19 Mart 2024 - Çərşənbə axşamı

Azərbaycanda bir yasda 84 nəfər koronavirusa yoluxdu

Azərbaycanda bir yasda 84 nəfər koronavirusa yoluxdu
1159baxış
"Ümumi testlərin içərisində müsbət göstəricilərin sayı 11 faizdir. Bu da onu deməyə əsas verir ki, ya karantin qaydaları daha da sərtləşməli, ya da adi həyat tərzinə çevirməklə yaşamalıyıq”.
 
Bunu Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində deyib.
R.Bayramlı bildirib ki, son həftələr ərzində daha gənc yaşlarda ölüm halları qeydə alınır: "Hətta yanaşı xəstəliyi olmayanlarda da letal sonluq baş verir. Bu da o deməkdir ki, COVID-19-un yeni klinik əlamətləri meydana çıxır. Ölkədə qadınlar arasında yoluxma göstəricisi 54% təşkil edir. Bu da yas yerlərində kütləvi toplaşma halı ilə əlaqədardır. Elə yas yeri var ki, orada 84 nəfərin nəticəsi pozitiv çıxıb”. (report)