\
6 Iyul 2022 - Çərşənbə

Estoniyada Azərbaycan məktəbi fəaliyyətə başladı - - Fotolar

Estoniyada Azərbaycan məktəbi fəaliyyətə başladı - - Fotolar
1226baxış

Estoniya Azərbaycan Evinin nəzdində həftəsonu Azərbaycan məktəbi fəaliyyətə başlayıb.

 

Diasporla İş üzrə Dövlət Komitəsindən “Qafqazinfo”ya verilən məlumata görə, ilk dərs zamanı məktəbin müəllimi Nərgiz Əsgərova kiçık yaşlı müdavimlərinə Azərbaycanın qədim tarixi, zəngin mədəniyyəti və adət-ənənələri barədə ümumi məlumat verib. Dərslər hər bazar günü saat 12.00-da keçirilir.

Qeyd edək ki, dünyanın müxtəlif ölkələrində Qarabağın və görkəmli şəxsiyyətlərimizin adlarını daşıyan həftəsonu Azərbaycan məktəbləri fəaliyyət göstərir. Dərslərin qarışıq (ənənəvi/onlayn) format əsasında təşkil olunduğu tədris ocaqlarında milli sərvətimiz olan Azərbaycan dili, ədəbiyyatı, tarixi və mədəniyyəti öyrədilir.

Diasporla İş üzrə Dövlət Komitəsi tərəfindən həmin məktəblər dərs vəsaitləri ilə təmin edilir. Xaricdə yaşayan soydaşlarımız və övladları belə məktəblərə xüsusi maraq göstərirlər.