Bakı Nəqliyyat Agentliyi (BNA) bu gün paytaxtın Binəqədi rayonunun İbrahimpaşa Dadaşov küçəsində, "Baku Bus" MMC-nin 6 saylı avtobusunun iştiralı ilə baş verən qəzaya münasibət bildirib. 

Bununla bağlı KİV-ə qurumun mətbuat katibi Mais Ağayev açıqlama verib. 

Onun sözlərinə görə, avtobus hərəkərdə olarkən minik avtomobili arxadan ona sürtülüb. Hadisə nəticəsində nə avtobusda, həm də maşına olan şəxslərə ziyan dəyməyib. Avtobusa dəymiş ziyanın məbləği ilə bağlı isə araşdırma aparılır.