Dağlıq Qarabağda ata güllə ilə oğlunu başından yaralayıb. Hadisə dünən axşam saatlarında baş verib. Mediapress.az separatçı rejimin polis orqanlarına yönəlik məlumat yayan News.am-a istinadən xəbər verir ki, 37 yaşlı Mardakert (qeyd: Ağdərə) rayon sakini N.S çaqqalı nişan alarkən 11 yaşlı oğlu T.S-nı başından ağır yaralayıb. Yaralının beyni ciddi zədələnib, vəziyyəti stabil ağır olaraq qiymətləndirilir. Şübhəli şəxs qismində saxlanılan atanın silahı müsadirə edilib. Faktla bağlı araşdırma aparılır.