• Bir vaxtlar şou-biznesdə adı gündəmdən düşməyən bəzi məşhurlar var ki, hazırda unudulmaq üzrədir. Buna səbəb isə onların ölkəni tərk edib, xaricdə yaşamasıdır. Kimi sənətini xaricdə davam etdirir, kimi də özü üçün biznes qurub. 

Mediapress.az axşam.az-a istinadən ölkədən köçən məşhurların siyahısını təqdim edir:

Aparıcı Rüfət Ağayev iki ildir Amerikada yaşayır. ATV-də aparıcı kimi çalışan Rüfət orada həm təhsil alır, həm də çalışır. Bu yaxınlarda isə Rüfət bir neçə günlük Bakıya qayıdacağını açıqlayıb. 



Aparıcı Günel Musəvi artıq uzun illərdir Amerikada yaşayır. Bir müddət əvvəl isə o, orada ailə qurub və bir qız övladı dünyaya gəlib. 



Aparıcı Elvira İsmayılovanın bu yaxınlarda Amerikaya köçdüyü bəlli olub. Elvira orada təhsilini davam etdirir. 



Aparıcı Aynur Talıbova illər əvvəl ailəsi ilə birlikdə ABŞ-a köçüb. Orada müxtəlif işlərdə çalışan Talıbova tez-tez fotolarını sosial şəbəkədə paylaşır. 



Aparıcı Şəhriyar Əbilov da artıq Türkiyədə özünə iş tapıb. O, model, aktyor fəaliyyətini qardaş ölkədə davam etdirir. Hətta Şəhriyar orada reklamlara da çəkilib. 



Müğənni İlhamə Qasımova da bir neçə ildir ABŞ-dadır. Sənətçinin Amerikada nə işlə məşğul olması isə məlum deyil. 



Aktrisa Könül Nağıyeva iki ildən çoxdur ki, İstanbulda yaşayır. Könül aktrisalıq fəaliyyətini davam etdirir. O, bir neçə filmə də çəkilib. 



"Eurovision" təmsilçilərimizdən olan Fərid Məmmədov Amerikaya köçüb. Ailə qurduqdan sonra sənətdən uzaqlaşan müğənni orada kuryer kimi çalışır. 



Aktrisa Cəmilə Tağızadə isə ərə getdiyi üçün Türkiyəyə köçüb. Aktrisa orada yaşayır, sənət fəaliyyətinə isə son qoyub.