Məşhur ispan müğənni və rəqqasə Coana Sainz Qarsiya konsert zamanı həlak olub.

 

Qaynarinfo xəbər verir ki, Madrid yaxınlığındakı Las Berlanas şəhərində təşkil edilən festivalda Qarsiya "Super Hollywood Orchestra" qrupu ilə səhnədə çıxış edən zaman atəşfəşanlıq başlayıb. Atılan fişənglərdən biri müğənninin qarnına dəyərək partlayıb. Hadisədən sonra huşunu itirən 30 yaşlı sənətçi xəstəxanaya çatdırılsa da, həyatını xilas etmək mümkün olmayıb. 

 

Qeyd edək ki, Coana Sainz Qarsiya musiqiçi və rəqqaslardan ibarət 15 nəfərlik "Super Hollywood Orchestra" qrupunun əsas üzvü və xoreoqrafı idi.