\
16 Sentyabr 2019 - Bazar ertəsi

"Barselona" Filippe Koutinyonu icarəyə verib

"Barselona" Filippe Koutinyonu icarəyə verib
196baxış

Almaniyanın "Bavariya" klubu İspaniya "Barselona"sının ulduz futbolçusu Filippe Koutinyonu icarəyə götürüb. 

"Report" klubun rəsmi saytına istinadən xəbər verir ki, 27 yaşlı yarımmüdafiəçi 2019/2010 mövsümünün sonuna kimi Münhen təmsilçisinin formasını geyinəcək.

Müqaviləyə əsasən, Almaniya nəhəngi növbəti mövsümdə braziliyalı oyunçunu heyətinə qatmaq hüququna malik olacaq. 

Qeyd edək ki, Filippe Koutinyo 2018-ci ilin yanvarında İngiltərənin "Liverpul" klubundan "Barselona"ya keçib. Kataloniya təmsilçisi onun keçidi üçün 145 milyon avro ödəyib. Yarımmüdafiəçi komandanın heyətində 76 matçda meydanda olub. "Barselona" ilə 2023-cü ilin yayına kimi müqaviləsi olan oyunçu 21 qol və 11 məhsuldar ötürmə ilə yadda qalıb.