\
29 Mart 2024 - Cümə

“Doqquz regionun mərkəzi etirazçıların əlinə keçmişdi” - Qazaxıstan prezidenti

“Doqquz regionun mərkəzi etirazçıların əlinə keçmişdi” - Qazaxıstan prezidenti
1299baxış

Bu dəqiqələrdə Kollektiv Təhlükəsizlik Müqaviləsi Təşkilatının (KTMT) videokonfrans formatında iclası keçirilir.

İclasda çıxış edən Qazaxıstan Prezidenti Kasım-Jomart Tokayev bildirib ki, yanvarın 2-dən başlayan etirazlar zamanla kritik səviyyəyə yüksəlib.

“Almatı və doqquz regionun mərkəzi etirazçıların əlində olub”, - deyə ölkəsində baş verən hadisələri şərh edən Qazaxıstan prezidenti qeyd edib.

O, hazırda ölkəsində baş verənləri Qazaxıstanın müstəqillik tarixində ən genişmiqyaslı, ən ağır böhran adlandırıb.

“Bu ilin əvvəlindən bəri bütün hadisələr bir zəncirin halqalarıdır, onlar hazırlanması uzun müddət davam edən vahid dağıdıcı plana tabedirlər. Bütün fəaliyyətlər eyni mərkəzdən idarə olunub. Binalara sinxron hücumlar bundan xəbər verir”, - deyə Tokayev bildirib.

Qazaxıstan prezidenti ölkədə baş verənlərin dövlət çevrilişinə cəhd olduğunu açıqlayıb.

Mənbə: Sputnik Qazaxıstan