Azərbaycanın Dağlıq Qarabağ bölgəsinin və ətraf rayonların işğalında fəal iştirak etmiş, dinc azərbycanlıların qətlinə başçılıq etmiş Ermənistan generalı Astvasatur Petrosyan 67 yaşında ölüb.

Bunu onun oğlu Sipan Petrosyan feysbuk səhifəsində yazıb.

Ararat Xandoyan adlı yaxın silahdaşı feysbukda yazıb ki, Ermənistan ordusunun İkinci Qarabağ müharibəsindəki ağır məğlubiyyəti ilə barışa bilməyən A.Petrosyanın ürəyi partlayıb.

A.Petrosyan 1990-cı illərin əvvəllərində “İntiharçı-qartallar birliyi” adlı ictimai təşkilat yaradaraq Azərbaycan torpaqlarının işğalında iştirak edib.

O, 1992-2000-ci illərdə Ermənistan müdafiə nazirinin müavini vəzifəsini tutub. 1996-cı ildə general-mayor rütbəsi alıb.

Sonralar isə fövqəladə hallar nazirinin müavini olub.