Regionda kommunikasiyaların açılması ölkənin çoxillik blokadasını yarmağa kömək edəcək.

Axar.az xəbər verir ki, bunu Ermənistan Baş naziri Nikol Paşinyan parlamentdə çıxışı zamanı deyib. Onun sözlərinə görə, Ermənistan ətrafında əlverişli mühitin formalaşdırılmasının vacib alətlərindən biri üçtərəfli komissiyanın işinin aktivləşdirilməsi və regionda kommunikasiyaların açılması ilə konkret nəticələrin əldə olunmasıdır.

Bununla bərabər Paşinyan Ermənistan vasitəsilə dəhlizin yaradılmasına izn verməyəcəklərini söyləyib:

“Biz inkar etmirik ki, kommunikasiyaların açılması mövzusu Ermənistanın dövlət maraqları üçün müəyyən risklər daşıyır. Ona görə də hökumət proqramında göstərilir ki, proses prioritetlər siyahısında yer almalıdır, amma o, Ermənistan və “Dağlıq Qarabağ”ın təhlükəsizliyi hesabına aparılmamalıdır”.