Moskvada azərbaycanlı biznesmen Məhərrəm Quliyev saxlanılıb.

Bu barədə informasiyanı “Haqqin.az” saytı yayıb. Quliyevin nəyə görə həbs olunduğu açıqlanmayıb.

Qeyd edək ki, Məhərrəm Quliyev əslən Şəmkir rayonundandır. O, uzun zaman Azərbaycandan Moskvaya göndərilən kənd təsərrüfatı məhsullarının tədarükünə nəzarət edib. “Pokrovka Məhərrəm” adı ilə məşhur olan biznesmen bu ləqəbini 2014-cü ilə qədər mövcud olan məşhur “Pokrovka” tərəvəz bazasına görə əldə edib.

“Pokrovka” bazası 2013-cü ildə azərbaycanlı Orxan Zeynalovun Rusiya vətəndaşı Yeqor Şerbakovu öldürməsindən sonra bağlanıb.