İstintaq təcridxanasına narkotik maddə keçirilməsi cəhdi qeydə alınıb. Penitensiar xidmətin ictimaiyyətlə əlaqələr şöbəsinin yaydığı məlumata görə, xidmətin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı İstintaq təcridxanasına narkotik vasitə keçirilməsi cəhdinin qarşısı alınıb.

Cinayət Məcəlləsinin 234.1-ci maddəsi ilə təqsirli bilinərək 1 il 3 ay 28 gün müddətinə azadlıqdan məhrum edilmiş şəxs Əliyev Elşad Rafiq oğlu müəssisəyə qəbul olunarkən əşyalarına və üzərinə baxış keçirilən zaman cibində gizlətdiyi sellofan bükülüdə 0,697 qram heroin aşkar edilib.
Faktla bağlı araşdırma aparılır.
Mediapress.az