Dünən axşam saatlarında Bakıda 72 yaşlı kişinin meyiti mənzilində aşkar edilib. Mediapress.az FHN-nin məlumatı əsasında xəbər verir ki, Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Nizami rayonunda 1 nəfər mənzildə köməksiz vəziyyətdə qalıb. Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri giriş qapısını açıblar. Orada aşkarlanan 1946-cı il təvəllüdlü Mustafayev Vahid Tapdıq oğlunun cəsədini aidiyyəti üzrə təhvil veriblər. Əməliyyat başa çatıb.

Faktla bağlı Nizami rayon prokurorluğunda araşdırma aparılır. Ölüm faktının səbəbləri araşdırılır.