Dünən gün ərzində Azərbaycan ərazisində baş vermiş cinayət hadisələrinin rəsmi xronikası bəlli olub. Mediapress.az DİN-nin məlumatına əsasən xəbər verir ki, respublikanın daxili işlər orqanları tərəfindən gün ərzində 86 cinayət faktı qeydə alınmış, onların da 22-si “isti izlər”lə açılıb. 

Əvvəlki dövrlərdən bağlı qalmış 20 cinayətin açılması təmin olunub.   

Axtarışda olduğuna görə ümumilikdə 32 nəfər, o cümlədən mülki-hüquqi öhdəliklərin icrasından yayındığına görə 2 nəfər, borclu şəxs qismində axtarışda olan 22 nəfər saxlanılaraq aidiyyatı üzrə təhvil verilib.

Respublikanın avtomobil yollarında 3 yol-nəqliyyat hadisəsi baş verib, nəticədə 3 nəfər xəsarət alıb.  

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 8 fakt müəyyən edilib. 

Cinayət törətməkdə şübhəli bilinən 42 nəfər saxlanılıb.