Penitensiar xidmətin 3 saylı İstintaq təcridxanasına narkotik maddə keçirilməsi cəhdinin qarşısı uğurla alınıb.

Mediapress.az-a Penitensiar xidmətin ictimaiyyətlə əlaqələr şöbəsindən verilən məlumata görə, 15 mayda Xidmətin və Daxili İşlər Nazirliyinin Baş Cinayət Axtarış İdarəsinin əməliyyat aparatının həyata keçirdikləri birgə əməliyyat-axtarış tədbirləri nəticəsində 3 saylı İstintaq təcridxanasına narkotik maddə keçirilməsi cəhdinin qarşısı alınıb.
Cinayət Məcəlləsinin 234.1-ci maddəsi ilə təqsirli bilinərək 2 il 2 ay müddətinə azadlıqdan məhrum edilmiş şəxs Rəsulov Nofəl Şəmşir oğlu müəssisəyə qəbul olunarkən üzərinə və şəxsi əşyalarına baxış keçirilən zaman gizlətdiyi və axtarış zamanı udmağa cəhd etdiyi sellofan bükülüdə 0,837 qram heroin aşkar edilib.
Faktla bağlı araşdırma aparılır.