Mingəçevir şəhərində 5 nəfərin xəsarət alması ilə nəticələnən yol-nəqliyyat hadisəsi baş verib.

Mediapress.az  APA-nın yerli bürosunun məlumatına əsasən xəbər verir ki, şəhərin M.Maqomayev prospektində sürətlə hərəkət edən “Lada Priora” markalı minik  avtomobili yolun kənarında dayanmış “VAZ-2106” avtomobilinə çırpılaraq aşıb. Hadisə zamanı “Lada Priora”nın sürücüsü, 1983-cü il təvəllüdlü Mərdanov Elşən Bakir oğlu, 1995-ci il təvəllüdlü Tanrıverdiyeva Könül Nazim qızı, onun bacısı, 1997-ci il təvəllüdlü Elmira Tanrıverdiyeva, 1991-ci il təvəllüdlü Ədilova Aysel Şamil qzı və “VAZ 2106”nın sürücüsü müxtəlif dərəcəli bədən xəsarətləri alaraq Mingəçevir şəhər Mərkəzi Xəstəxanasına aparılıblar.     

Faktla bağlı Mingəçevir şəhər Polis Şöbəsi tərəfindən araşdırma aparılır.