“Uber” taksi sürücülərinin narkotik alverilə məşğul olduqları iddia olunur.

Bizim.Media xəbər verir ki, bu barədə jurnalist Könül Aypara “Facebook” hesabında bildirib.

Jurnalist 01 AG 580 dövlət nişanlı avtomobili idarə edən “Uber” sürücüsünün Yasamalda narkotik alveri ilə məşğul olduğunu  qeyd edib. O, deyib ki, bu hal ilk deyil və dəfələrlə təkrarlanır:

“Özləri cəhənnəmə, kiminsə balasını zəhərləyir və müştərilərinin həyatını təhlükə altına alır”. 

Jurnalist paylaşımında Daxili İşlər Nazirliyinə və Baş Narkotiklərlə Mübarizə İdarəsinə müraciət edərək, taksi sürücüləri barədə ölçü götürülməsini tələb edib. 
Daxili İşlər Nazirliyinin mətbuat xidmətinin şöbə rəisi, polis mayoru Elşad Hacıyev məsələnin araşdırıldığını vurğulayıb.