28 oktyabr gününə Azərbaycanda rəsmi kriminal xronika bəlli olub. Mediapress.az Daxili İşlər Nazirliyinin məlumatına əsasən xəbər verir ki, dünən gün ərzində 89 cinayət faktı qeydə alınıb. Onlardan 10-u “isti izlər”lə açılıb. Məlumatda bildirilir ki, əvvəlki dövrlərdən bağlı qalmış 2 cinayətin açılması təmin olunmuşdur.   

Axtarışda olduğuna görə ümumilikdə 7 nəfər, o cümlədən borclu şəxs qismində axtarışda olan 4 nəfər saxlanılaraq aidiyyəti üzrə təhvil verilmişdir.

Respublikanın avtomobil yollarında 6 yol-nəqliyyat hadisəsi baş vermiş, nəticədə 3 nəfər ölmüş, 3 nəfər xəsarət almışdır.  

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 3, qanunsuz saxlanılan silah-sursatla bağlı 2 fakt müəyyən edilmişdir. 

Cinayət törətməkdə şübhəli bilinən 8 nəfər saxlanılmışdır.