Qax rayonunda yol qəzası baş verib. Mediapress.az “Report”un Şəki-Zaqatala bürosunun məlumatına əsasən xəbər verir ki, hadisə axşam saatlarında rayon mərkəzində baş verib. Qax şəhər sakini, 1999-cu il təvəllüdlü Xəzər Füzuli oğlu Əliyev idarə etdiyi minik avtomobili ilə hərəkətdə olarkən qəfildən yola at çıxıb. Nəticədə X.Əliyev idarəetməni itirərək avtomobili yolun kənarındakı ağaca vurub. Müxtəlif dərəcəli bədən xəsarətləri alan X.Əliyev Qax Rayon Mərkəzi Xəstəxanasının Cərrahiyyə şöbəsinə yerləşdirilib.

Faktla bağlı araşdırma aparılır.