ABŞ-ın Nyu-York şəhərinin Manhetten bölgəsində üzü maskalı naməlum şəxs küçədə insanlara atəş açıb.

"Report" xarici KİV-ə istinadən xəbər verir ki, insident nəticəsində iki 18 yaşlı və bir 23 yaşlı şəxs yaralanıb. Onlardan biri kürəyindən, digərləri isə ayağından güllə yarası alıb. 

"NBC New York"un məlumatına görə, hazırda hücum edən şəxsin nə üçün insanlara atəş açmağa qərar verdiyi bilinmir. Polis hücumun quldur qarşıdurmaları ilə əlaqəli olduğunu ehtimal edir.

Daha əvvəl ABŞ polisi Miçiqanda atəş açılması nəticəsində 4 nəfərin ölməsi ilə bağlı məlumat verib.

"NewstalkZB" portalı 3 yaralının, 1 ölünün olduğunu, yaralıların vəziyyətinin kritik olduğunu yazıb.

Yaralıların hamısı xəstəxanaya yerləşdiriliblər.

Polis hadisə yerində 5 ədəd giliz aşkar edib və cinayətkarın, təxminən, 9 atəş açmağa imkan tapdığını bildirib. Hüquq-mühafizə orqanları hadisənin quldurluqla əlaqəli olduğunu bildirir.