ABŞ-ın Kolorado ştatında fəaliyyət göstərən məktəbdə baş vermiş atışmada 1 şagird öldürülüb, daha 7 nəfər yaralanıb.

"Report" xəbər verir ki, bu barədə "Denver News" məlumat yayıb.

Qeyd edilir ki, yaralılar 15 və yuxarı yaş şagirdləridir. Onlardan 4-ü ağır vəziyyətdədir. KİV-in məlumatına görə, hadisə ilə bağlı saxlanılanlar da bu məktəbin şagirdləridir.

Duqlas dairəsinin polis şerifi bildirib ki, silahlılar məktəbli yoldaşlarına iki ayrı yerdə atəş açıblar.