“Çalışmışam ki, çəkilən sərhədə baxmayım. Çünki aktyor sərbəst olsa, yaxşıdır”.

Bunu Azərbaycan Kinematoqrafçılar İttifaqının sədri, Xalq artisti Rasim Balayev Baku TV-yə eksklüziv müsahibəsində deyib.

Aktyor tragikomik obraz oynamaq istəyindən danışıb. “Yumoru çox sevirəm. Bəzən dostlarım deyir ki, sən gərək yumor aktyoru olaydın. Amma elə olub ki, mənə ciddi rollar veriblər”, - deyə o qeyd edib.

Xalq artisti tamaşaçıların onu mənfi obrazlarda qəbul etməməsindən, atasının vəfatından sonra depressiyaya düşməsindən, dostuna görə 100 günlük həbs həyatı yaşamasından da bəhs edib.