Mediapress.az xəbər verir ki, 4-6 dekabr 2018-ci il tarixində Türkiyənin İstanbul şəhərində CNR EXPO-nun təşkilatçılığı ilə 5-ci Fashionİst 2018 beynəlxalq gəlinlik və ziyafət geyimləri sərgisi keçirilib. 
CNR holdinqin icraçı direktoru Ali Bulut açılış nitqində bildirib ki, tekstil sektoru Türkiyənin illik ixracatının əsas tərkib hissəsini təşkil edir və hər il sərgiyə maraq göstərən ziyarətçilərin sayı artmaqdadır. 
Qeyd edək ki, Türkiyə Cümhuriyyətinin Azərbaycandakı səfirliyinin Ticarət Müşavirliyinin dəvəti və təşkilatçılığı ilə bir qrup iş qadını sərgidə ziyarətçi qismində iştirak etmişlər.
Moda və geyim sektorunda "Made in Azerbaijan" brendini ölkəmizdə və ölkəmizin hüdudlarından kənarda uğurla təmsil edən azərbaycanlı rəssam-modelyer, əməkdar incəsənət xadimi Fəxriyyə Xələfova, "Sahibkar iş qadınları" İctimai Birliyinin sədri Zemfira Ağayeva və s. iş qadınları son model gəlinlik və ziyafət geyimləri ilə tanış olmuş, bir sıra markalarla ikitərəfli əməkdaşlıq memarandumu imzalanmışdır.

Könül Aypara