Gürcüstanda daha 86 nəfər koronavirusdan sağalıb.

Bu barədə xəstəliyin monitorinqi üzrə xüsusi saytda bildirilir.

Qeyd edilir ki, ölkədə koronavirusa yoluxanların ümumi sayı 394 nəfərə çatıb. 

"Təsdiq edilmiş yoluxma halları 394-dür, onlardan 86-sı sağaldı”, - deyə saytda bildirilir. Hazırda 5 094 nəfər karantin rejimində, 547 nəfər həkim müşahidəsi altındadır.

Gürcüstanda koronavirusdan ölənlərin hamısı yaşı 70-dən çox olan ahıllardır.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib. (report)