İsrailin Səhiyyə naziri Yuliy Edelşteyn məktəblərdə və küçələrdə məcburi maska taxılması barədə əmri ləğv edib.

Axar.az xəbər verir ki, bu barədə məlumat Edelşteynin Tvitter səhifəsində yerləşdirilib.

Edelşteynin belə qərarına səbəb ölkədə son günlər müşahidə edilən yüksək temperatur olub.

“Koronavirusdan müdafiəyə ciddi yanaşmaq lazımdır. Lakin isti dalğası öz-özlüyündə təhlükəli ola bilər. Mütəxəssislərin məsləhətləri əsasında mən Səhiyyə Nazirliyinin baş direktoruna məktəb sinifləri və ictimai yerlədə maskasız olmaq izninin yazılması barədə tapşırıq vermişəm”.

Qeyd edək ki, bundan öncə İsrail Pediatrlar Assosiasiyası məktəblərdə isti havalarda maska taxılmasının ləğv edilməsini istəmişdi.