Şəkidə 74 yaşlı kişini avtomobil vurub
1140
Şəkidə piyadanın vurulması ilə nəticələnən yol-nəqliyyat hadisəsi baş verib.
"Mediapress.az"ın Şimal-qərb bürosunun məlumatına görə, hadisə Şəki şəhərinin giriş hissəsində qeydə alınıb.
Şəki rayon Kiçik Dəhnə kənd sakini 1946-cı il təvəllüdlü Fazil Əhmədiyyə oğlu Cabbarov yolu keçmək istəyərkən "VAZ-2104" markalı avtomobil tərəfindən vurulub. Yaralı Şəki Rayon Mərkəzi Xəstəxanasına çatdırılıb.
Xəstəxanadan verilən məlumata görə, 74 yaşlı F. Cabbarovun müalicəsi xəstəxananın reanimasiya şöbəsində aparılır. Vəziyyəti orta-ağır qiymətləndirilir.
Faktla bağlı araşdırma aparılır.