Meksikada sərxoş sərnişin sükanı avtobus sürücünün əlindən alaraq ağır qəza törədib.

Bu barədə “Report” “Associated Press”ə istinadən xəbər verir.

Bildirilir ki, 35 sərnişini daşıyan özəl avtobus İsukar de Matamoros bələdiyyəsinin yaxınlığında yoldan çıxıb. Nəticədə 6 nəfər ölüb, daha 16 nəfər isə yaralanıb.

Ərəziyə yanğınsöndürənlər, xilasedicilər, milli qvardiya qüvvələri və tibbi işçiləri cəlb olunub, xəsarət alanlar yerli xəstəxanalara çatdırılıb. Bəzi yaralıların vəziyyəti ağırdır.

Qəzanın səbəbkarı olan şəxs hadisə yerini tərk etməyə çalışarkan saxlanılıb.