\
20 Iyun 2021 - Bazar günü

Alimdən nazirə SƏRT SÖZLƏR: - “Gedib özünün çap etdirdiyi kitablara baxsın”

Alimdən nazirə SƏRT SÖZLƏR: - “Gedib özünün çap etdirdiyi kitablara baxsın”
1139baxış

“Bir neçə nəfər elmi dərəcəsi belə olmayan adamı tapıb ortaya çıxarmaqla Təhsil Nazirliyi vəzifəsini bitmiş hesab etməsin”.

Mediapress.az bildirir ki, bunu Yenicag.az-a açıqlamasında təhsil naziri Emin Əmrullayevin Azərbaycanda elmi tədqiqat işlərinin istənilən səviyyədə olmaması və bunun səbəbini alimlərin fəaliyyətiilə bağlı olması haqda səsləndirdiyi fikirlərə münasibət bildirən siyasi elmlər üzrə fəlsəfə doktoru, dosent, tarixçi-alim Zaur Əliyev deyib.

Nazirin çıxışını yersiz hesab etdiyini bildirən Zaur Əliyev sözügedən qurumun fəaliyyətini tənzimləməli olduğunu vurğulayıb:

“Təhsil Nazirliyi tərəfindən çap olunmuş tarix, biologiya, dil və ədəbiyyat kitablarında Azərbaycan alimlərinə istinad vermirlər. Deyirlər ki, iş yoxdur. Niyə yoxdur?! Yüzlərlə kitab var. Onlar maraqlanmırlar, müraciət göndərmirlər. Bir neçə nəfər elmi dərəcəsi belə olmayan adamı tapıb ortaya çıxarmaqla Təhsil Nazirliyi vəzifəsini bitmiş hesab etməsin. Nazirlik özü alimlərə müraciət etməli, onların elmi yaradıcılıqlarından faydalanmalıdır. Lakin heç birini etmirlər. Təhsil Nazirliyi birinci gedib öz çap etdiyi kitablara baxsın, sonra Akademiyanın üstünə düşsün.

Şərt qoyublar ki, alimlərin elmi məqalələri impakt faktorlu jurnallarda çıxmalıdır. Deyirlər ki, guya puluz mümkündür. Humanitar sahədə belə şey ümumiyyətlə mümkün deyil. Hamısı baha-baha qiymətədir. Olmazmı ki, Azərbaycan özü jurnal çıxarıb ora salsın?! Niyə Azərbaycanda jurnalların keyfiyyətini qaldırmaqdan danışımırlar, elə tələb edirlər ki, orada çıxsın”.