\
24 Iyul 2021 - Şənbə

Vaksin olunan yerə su vurmaq olar?

Vaksin olunan yerə su vurmaq olar?
1181baxış

“Vaksin olunan nahiyəyə su vurmaq olmaz" deyə əhali yanlış yönləndirilir. Bu, tamamilə əhəmiyyətsiz və elmi əsası olmayan məlumatdır”.

 

Mediapress.az xəbər verir ki, bunu TƏBİB-in İnfeksion xəstəliklər üzrə işçi qrupunun həkim-infeksionisti Nəzrin Mustafayeva TƏBİB-in feysbuk səhifəsində canlı yayımda bildirib.

O qeyd edib ki, vaksin vurulandan sonra riayət edəcəyimiz xüsusi, ciddi qaydalar yoxdur:

“İnsanlar vaksin olunan gün bol maye içməlidirlər. Ağır fiziki işlərdən çəkinməlidirlər. Vaksin olunan şəxslərdə 48-72 gün ərzində müəyyən əlamətlər ola bilər. Vaksin xəstəliyin yüngül forması kimi keçirilə bilər. Halsızlıq, vaksin olunan nahiyədə ağrı, qızdırma ola bilər. Çox yüksək hərarət olarsa, insanlar qızdırmasalıcılardan istifadə edə bilərlər. Bu əlamətlər 72 saatı keçərsə, həkimə müraciət olunmalıdır”.