Türkiyədə göyərtəsində Ukrayna vətəndaşları olan gəmi saxlanılıb.

“Qafqazinfo” xəbər verir ki, bunu Ukraynanın Xarici İşlər Nazirliyinin mətbuat katibi Oleq Nikolenko açıqlayıb.

Onun sözlərinə görə, göyərtədə olan şəxslərdən 4-ü həbs olunub. Onlar narkotik qaçaqmalçılığında təqsirli bilinirlər.

Məlumata əsasən, ümumilikdə gəminin göyərtəsində 25 ekipaj üzvü olub. Onlardan 24-ü ukraynalıdır. Həbs olunan şəxslər gəminin kapitanı və onun 3 köməkçisidir.

Bununla yanaşı, Ukrayna səfirliyi saxlanılan şəxsləri lazımi sənədlər, vəkil və tərcüməçi ilə təmin edib. Ekipajın digər üzvləri gəmidə qalıb və məsələ ilə bağlı şahid qismində çıxış edirlər.