Salyan rayonunda baş verən yol qəzasında yaralılardan birinin şəxsiyyəti məlum olub.

“Report”un Aran bürosunun məlumatına görə, bu, Cəlilabad rayon sakini, 1970-ci il təvəllüdlü Abışova Ceyran Nurulla qızıdır.

Digərlərin də şəxsiyyəti dəqiqləşdirilir.

Yaralılardan birinin vəziyyəti ağır olduğundan reanimasiya şöbəsinə yerləşdirilib.

Qəza zamanı ölən şəxsin meyiti Səhiyyə Nazirliyinin Məhkəmə Tibb Ekspertizası və Patoloji Anatomiya Birliyinin Neftçala rayon şöbəsinə yerləşdirilib.

Faktla bağlı araşdırma aparılır.