Kremlin mətbuat katibi Dmitri Peskov sözügedən hadisəni xuliqanlıq adlandırıb.

 

"Bu, xuliqanlıqdır. İnsidentlə bağlı kanal və müvafiq təşkilatlar tərəfindən araşdırma aparılır”, - deyə Peskov əlavə edib.

 

 

Qeyd edək ki, ötən gün Rusiyanın “Birinci kanal”ının canlı efirində Ukraynadakı müharibəyə etiraz edilib. Belə ki, telekanalın əməkdaşı Marina Ovsyannikova xəbərlər proqramı gedən anda əlində plakat tutaraq studiyaya daxil olub. O, üstündə “Müharibəyə yox! Müharibəni dayandırın. Təbliğatlara inanmayın. Burada sizə yalan danışırlar!” yazılan plakatla efirdə bir neçə saniyə görünüb.

 

 

Hadisədən sonra kanalın redaktoru olduğu bildirilən Marina saxlanılıb.