Ərdoğan Finlandiya Prezidenti ilə Ukraynadakı müharibəni müzakirə edib
1410baxış
Türkiyə Prezidenti Rəcəb Tayyib Ərdoğan Finlandiya Prezidenti Sauli Niinistö ilə telefon danışığı aparıb.
APA-nın Türkiyə müxbirinin verdiyi xəbərə görə, bu barədə Türkiyə Prezidenti Administrasiyası məlumat yayıb.
Qeyd olunub ki, tərəflər danışıq zamanı Türkiyə-Finlandiya münasibətləri və regional məsələləri müzakirə edib.
Rusiya-Ukrayna müharibəsi ilə bağlı da fikir mübadiləsi aparıldığı görüşdə prezident Ərdoğan atəşkəs və humanitar dəhlizlərin açılması istiqamətində ölkəsi tərəfindən səylərin davam etdirildiyini həmkarına bildirib.
Bundan əlavə, danışıq zamanı Türkiyə-Finlandiya İqtisadi-Ticarət Komitəsinin ilk iclasının iyun ayında Ankarada keçiriləcəyi də vurğulanıb.
