FHN-in amfibiya təyyarəsi Türkiyədəki yanğınlarla mübarizədə - Video
1463baxış
Türkiyədəki meşə yanğınlarına kömək məqsədilə Azərbaycanın göndərdiyi amfibiya təyyarəsi fəaliyyətə başlayıb.
Bu barədə "Qafqazinfo"ya Fövqəladə Hallar Nazirliyindən məlumat verilib.
Bildirilib ki, Prezident İlham Əliyevin tapşırığına uyğun olaraq, Türkiyədəki meşə yanğınlarının daha geniş miqyas almasına imkan verilməməsi və söndürülməsinə köməklik məqsədilə FHN-ə məxsus “BE-200ÇS” amfibiya tipli təyyarə qardaş ölkəyə göndərilib.
Bu gün səhər saatlarından etibarən isə təyyarə Türkiyənin Muğla bölgəsində yanğınlarla mübarizə tədbirlərinə başlayıb.
