“Azərbaycan artıq bərpa olunan enerji mənbələrinə - külək və günəş enerjisinə investisiya yatırmağa başlayıb”.

Mediapress.az xəbər verir ki, bunu Prezident İlham Əliyev Azərbaycan və Avropa İttifaqı (Aİ) arasında enerji sahəsində strateji əməkdaşlıq haqqında qarşılıqlı anlaşma memorandumunun imzalanmasının yekunlarına əsasən bildirib.

“Aİ də Azərbaycanın bərpa olunan enerji mənbələri sahəsində malik olduğu böyük potensialı qiymətləndirib. Biz artıq külək və günəş enerjisinə investisiya yatırmağa başlamışıq. İmkanlarımızın ilkin qiymətləndirməsini həyata keçirmişik. Qarabağ və Şərqi Zəngəzurun işğaldan azad edilmiş rayonlarında külək və günəş enerjisinin potensialı 9200 meqavatt, Xəzər dənizində külək enerjisinin potensialı isə 157 giqavatdır. Bizim resurs bazamız həqiqətən də böyükdür”, - dövlət başçısı deyib.