\
29 Mart 2024 - Cümə

İran-İraq sərhədində atışma olub, iki iranlı hərbçi ölüb

İran-İraq sərhədində atışma olub, iki iranlı hərbçi ölüb
1411baxış

İranın qərbində hərbçilərlə silahlı qruplaşma arasında baş verən atışma nəticəsində iki hərbçi ölüb.

Mediapress.az İranın rəsmi televiziyasına istinadən xəbər verir ki, bu barədə İranın Kürdüstan əyalətinin Sərhəd mühafizə xidmətinin komandiri polkovnik Arif Sepehri bildirib.

Onun sözlərinə görə, ötən gecə əyalətin Bane və Rave rayonlarından terrorçular sızmaq istəyib. Bu zaman hərbçilərlə onlar arasında atışma baş verib. Polkovnik iki hərbçinin öldüyünü, terrorçuların zərərsizləşdirildiyini bildirib.

Sepheri terrorçuların mənsub olduğu silahlı qruplaşmanın adını açıqlamayıb.

Qeyd edək ki, İran ərazisinə İraqdan PKK terror təşkilatının yaraqlıları sızırlar. Qruplaşmanın İslam Respublikasında “Pejak” adlı qolu fəaliyyət göstərir.