Dünən axşam saatlarında Bərdədə aptekdə yanğın hadisəsi baş verib.

Mediapress.az FHN-nin məlumatına əsasən xəbər verir ki, Bərdə rayonunda ümumi sahəsi 156 m² olan ikimərtəbəli binanın (aptek kimi fəaliyyət göstərir) birinci mərtəbəsində 5 m² sahəyə yığılmış dərman preparatları və 1 ədəd kondisioner yanıb. Binanın qalan hissəsi yanğından mühafizə olunub. Yanğın yanğın bölmələri tərəfindən söndürülüb.

İlkin müşahidələr göstərib ki, yanğın cərəyandakı qısaqapanma nəticəsində baş verib.