Türkiyə prezidenti Rəcəb Tayyib Ərdoğan jurnalistlərə müsahibəsində oktyabrın 20-də Azərbaycan prezidenti İlham Əliyevlə birlikdə Zəngilanda hava limanının açılışını edəcəyini bildirib. “İlham Əliyev xahiş etdi ki, səfərin tarixini dəqiqləşdirək. Zəngilanda hava limanı açılandan sonra Cəbrayıl şəhərinə yollanacağıq və orada təntənəli mərasim keçiriləcək. Müvafiq razılaşmalar əldə olunub. Azərbaycanda keçiriləcək tədbirlərdə digər liderlərin də iştirakını istisna etmirəm. Qərarı Bakı verəcək”, - Türkiyə prezidenti bildirib.