Daxili İşlər Nazirliyi (DİN) bir qrup şəxs tərəfindən sentyabrın 30-da Milli Məclisin qarşısında aksiya təyin olunmasına dair yayılan məlumatlara münasibət bildirib.

DİN Mətbuat Xidmətinin bölmə rəisi Zeyni Hüseynov mətbuata verdiyi açıqlamada bildirib:

“Aksiya barədə Bakı şəhər İcra Hakimiyyətinə müraciət edilib. Müraciətə baxılıb və aksiyanın keçirilməsinin məqsədəuyğun olmaması barədə təşkilatçılara rəsmi cavab verilib. Buna görə də, razılaşdırılmamış hər hansı aksiyanın və ya yürüşün keçirilməsinə cəhd edilərsə, bu qanunsuz hesab olunacaq və qarşısının alınması üçün zəruri olan bütün tədbirlər görüləcəkdir. İctimai asayişin pozulmasına yönəlmiş bu cür cəhdlərin qarşısı alınarkən polislərlə qanunsuz aksiyanın iştirakçıları arasında baş verə biləcək bütün hadislərin məsuliyyəti aksiya təşkilatçılarının üzərinə düşəcək".