Son zamanlar Azərbaycanda qrip və kəskin respirator xəstəliklər geniş yayılıb. 

Xəstəlik əsasən uşaqlar arasında daha çox qeydə alınır. Nəticədə məktəblərdə təhsil alan şagirdlərin də davamiyyəti zəifləyib.

Bakı məktəblərində şagirdlərin dərsə davamiyyəti ilə bağlı Bakı Şəhəri üzrə Təhsil İdarəsi ilə əlaqə saxladıq. 

Qurumdan Mediapress.az-ın sorğusuna cavab olaraq bildirilib ki, idarənin tabeliyindəki ümumi təhsil müəssisələrində davamiyyətlə bağlı ciddi problem qeydə alınmayıb.