Milli Məclisin iclasında ölkə ərazisində mopedləri idarə etmək üçün sürücülük vəsiqəsinin tələb olunması məsələsinə baxılıb.

Mediapress.az bildirir ki, “Yol hərəkəti haqqında” qanuna dəyişiklik layihəsində konstruktiv maksimal sürəti 50 km/saatdan artıq olan bütün nəqliyyat vasitələrinin dövlət qeydiyyat nişanı ilə təmin edilməsi və sürəti 50 km/saatdan çox olan mopedçilərin sürücülük vəsiqəsi alması təklif edilir.

Baş Dövlət Yol Polisi idarəsinin məlumatına əsasən, bu prosesin asan və şəffaf keçirilməsi üçün xüsusi komissiya yaradılıb, mopedçilər üçün sürücülük vəsiqəsi (A1) imtahanlarının məzmunu sadələşdirilib.

Layihə üçüncü oxunuşda səsə qoyularaq qəbul edilib.