Baş Qərargah: Rusiya ordusu gün ərzində Ukraynaya 3 hava və 57 raket zərbəsi endirib
1192baxış
Rusiya ordusu son 24 saat ərzində Ukrayna ərazisinə 3 hava və 57 raket zərbəsi endirib. Bundan əlavə, onlar çoxsaylı reaktiv raket sistemlərindən, xüsusən də mülki infrastruktura 69 hücum həyata keçirib.
Mediapress.az xəbər verir ki, bu barədə Ukrayna Silahlı Qüvvələri Baş Qərargahının saat 6:00-a olan xülasəsində deyilir.
Qeyd olunur ki, Rusiya ordusu Ukraynanın paytaxtına və digər yaşayış məntəqələrinə raket zərbələri endirmək üçün S-300/S-400 zenit-raket komplekslərindən istifadə edib.
Həmçinin, onlar dəqiq silah olan hava və dəniz qanadlı raketləri və idarə olunan təyyarə raketlərinin 41 buraxılışı həyata keçirib.
