Azərbaycanın Xarici İşlər Nazirliyi Yunanıstanda baş verən qatar qəzası ilə bağlı başsağlığı verib.

“Qafqazinfo” xəbər verir ki, XİN-in rəsmi tviter hesabında bununla bağlı edilən paylaşımda deyilir:

“Yunanıstanın Larisa şəhəri yaxınlığında onlarla insanın həlak olduğu dəhşətli qatar qəzası bizi dərindən kədərləndirdi. Həlak olanlarla bağlı öz başsağlığımızı çatdırır, yaralılara şəfa diləyirik. Fikirlərimiz Yunanıstan xalqı və hökuməti ilədir”.

Xatırladaq ki, Yunanıstanda sərnişin qatarı ilə yük qatarının toqquşması nəticəsində 32 nəfər həlak olub, daha 85 nəfər isə yaralanıb. Ölkədə 3 günlük matəm elan edilib.