"Azərbaycan Sənaye Korporasiyası" ASC-yə (ASK) məxsus, 2018-ci ildən fəaliyyət göstərən "ASK Şüşə" MMC-nin bazasında bu il yaradılmış və özəlləşdirməyə hazırlanan "Qaradağ Şüşə Zavodu" ASC-nin İdarə Heyətinə yeni sədr təyin edilib.

"Report" xəbər verir ki, bu, İsgəndər Əliyevdir.

O, indiyə qədər səhmdar cəmiyyətinin sədrinin müşaviri olub və yeni vəzifəsində Türkiyə vətəndaşı Cüneyt Cebecini əvəz edib.

Xatırladaq ki, "Qaradağ Şüşə Zavodu"nun nizamnamə kapitalı 35 milyon 950 min 630 manatdır.