Prezident İlham Əliyev və birinci xanım Mehriban Əliyeva aprelin 18-də Neftçala rayonuna səfər ediblər.

“Qafqazinfo” xəbər verir ki, dövlət başçısı və birinci xanım Neftçala şəhərində ulu öndər Heydər Əliyevin abidəsini ziyarət ediblər.

Prezident İlham Əliyev və Mehriban xanım Əliyeva ümummilli lider Heydər Əliyevin xatirəsini ehtiramla anıb, abidəsi önünə gül dəstələri qoyublar.

***

Prezident İlham Əliyev və birinci xanım Mehriban Əliyeva, həmçinin Neftçala Olimpiya İdman Kompleksinin açılışında iştirak ediblər.

***

Prezident İlham Əliyev Neftçala-Kürkənd-2 nömrəli Mayak avtomobil yolunun yenidənqurmadan sonra açılışında iştirak edib.

***

Neftçalada olan Prezident İlham Əliyev və birinci xanım Mehriban Əliyeva Yenikənd kəndində “Azerbaijan Fish Farm” MMC-nin Nərə Damazlıq Təsərrüfatında yaradılan şəraitlə tanış olublar.

***

Prezident İlham Əliyev və birinci xanım Mehriban Əliyeva Neftçalada Heydər Əliyev Fondu tərəfindən inşa olunan 420 şagird yerlik Bankə qəsəbə 2 saylı tam orta məktəbin açılışında iştirak ediblər.