Ukraynanın Dnepropetrovsk vilayətində yerləşən Krivoy Roq şəhəri gecə saatlarında Rusiya ordusu tərəfindən atəşə tutulub. 

“Qafqazinfo” “Strana” portalına istinadən xəbər verir ki, bu barədə məlumatı Dnepropetrovsk vilayətinin Hərbi Administrasiyasının rəhbəri Sergey Lısak açıqlayıb.

Məlumata görə, beşmərtəbəli yaşayış binasının atəşə tutulması nəticəsində 3 sakin həlak olub, daha 25 nəfər isə yaralanıb. Dağıntılar altında insanlar olduğu bildirilir. Hazırda binada yanğın davam edir. 

Bununla yanaşı, yaxınlıqdakı avtomobillərə də ziyan dəyib. Şəhərin başqa hissələrində də yaralıların olduğu qeyd olunub.