Bu gün “Qarabağ” Futbol Klubunun beynəlxalq oyunu ilə əlaqədar “Bakı Metropoliteni” QSC-nin “Koroğlu” stansiyasında gücləndirilmiş iş rejimi tətbiq olunacaq.

Bu barədə qurumdan Mediapress.az-a bildirilib.

Məlumata görə, müvafiq əməliyyat planına uyğun olaraq, qarşılaşmanın başlanma vaxtı ərəfəsində stansiyada iş rejimi dəyişdiriləcək.

Stansiyadan stadiona yollanacaq sərnişinlərin yönləndirilməsi, rahatlığı və təhlükəsizliyinin təmin olunması məqsədilə növbətçilik cədvəli tərtib edilməklə işçi qüvvəsi ayrılacaq.

Gün ərzində qatarların hərəkət qrafiki yay iş rejimin tələblərinə uyğun tənzimlənəcək. Ehtiyat qatarların xəttə verilməsi diqqətdə saxlanılacaq. Oyuna çoxsaylı azarkeş marağını nəzərə alaraq, görüş qurtardıqdan sonra sərnişinlərin mənzil başına təhlükəsiz və rahat çatması üçün qatarların daha intensiv hərəkəti təmin ediləcək. Həmçinin zərurət yarandığı halda, ehtiyat qatarların müvafiq istiqamətlərdə xəttə buraxılması xüsusi nəzarət altında təşkil olunacaq.

Qeyd edək ki, “Qarabağ” bu gün UEFA Çempionlar Liqasının II təsnifat mçərhələsinin cavab oyunu çərçivəsində Polşanın “Rakuv” klubu ilə qarşılaşacaq. Bakı Olimpiya Stadionunda keçiriləcək matç saat 20:00-da start götürəcək.