\
3 Mart 2024 - Bazar günü

Zakir Həsənov Misirdədir - Fotolar

Zakir Həsənov Misirdədir - Fotolar
1416baxış

Azərbaycan müdafiə naziri general-polkovnik Zakir Həsənov və nazirliyin digər rəhbər heyəti Misir müdafiə nazirinin dəvəti ilə “EDEX 2023” sərgisində iştirak etmək üçün bu ölkədə səfərdədir.

Z.Həsənov dekabrın 4-ü “EDEX 2023” beynəlxalq müdafiə sərgisinin təntənəli açılış mərasimində iştirak edib.

Mərasimdə çıxış edən Misir Prezidenti Əbdülfəttah Əs-Sisi qonaqları salamladıqdan sonra sərgini açıq elan edib.

 
Müdafiə naziri “EDEX 2023" beynəlxalq müdafiə sərgisində nümayiş etdirilən Azərbaycan Müdafiə Sənayesi Nazirliyinin müəssisələrinə, eləcə də Türkiyənin “TUSAŞ”, "ROKETSAN”, “ASELSAN”, “SARSILMAZ”, “CANİK”, “BAYKAR” şirkətlərinə məxsus silah, texnika və hərbi təyinatlı vasitələrlə tanış olub.

Səfər çərçivəsində Z.Həsənov şirkət rəhbərləri ilə görüşüb.

Görüşlərdə hərbi-texniki əməkdaşlığın inkişaf perspektivləri və qarşılıqlı maraq doğuran bir sıra digər məsələlərə dair ətraflı müzakirələr aparılıb.