Türkiyədə Ramazan bayramı günlərində magistral və körpü keçidlərində heç bir ödəniş tələb olunmayacaq.

“Qafqazinfo” “TRT Haber”ə istinadən xəbər verir ki, bununla bağlı Türkiyə Prezidenti Rəcəp Tayyib Ərdoğan göstəriş verib.

Bununla yanaşı, Ramazan bayramı günləri ərzində, yəni aprelin 10-u 00:00-dan aprelin 12-sinə qədər şəhərdaxili ictimai nəqliyyat pulsuzdur. Bu qərar, həmçinin 23 Aprel - Milli Suverenlik və Uşaqlar Günü də qüvvədə olacaq.

Qeyd edək ki, Ramazan bayramı ilə əlaqədar Türkiyədə 9 günlük (06-14 aprel) tətildir.